Saltar al Contenido

Períodico de Diario de Noticias de Navarra Grupo Noticias

Herramientas de Contenido

petti abeslaria

"Xabier Lete euskal idazle eta kantu egile handienetariko bat izan da niretzat"

Xabier Lete euskal abeslariari omenaldi berezi bat eskainiko zaio gaur Iruñeko Gayarre Antzokian. AM Kultur Promotora eta Euskara Kultur Elkargoaren antolakuntzapean, hainbat euskal artista bildu dira Leteren abestiak eskaintzeko. Horien artean, Petti abeslari beratarra

miren mindegia - Viernes, 23 de Septiembre de 2011 - Actualizado a las 05:38h

votos comentarios

(?)

Petti abeslari beratarra.

Petti abeslari beratarra. (D.N.)

Vista:

Galería Noticia

Iruñea. Leteren abesti eta poesiak entzungai izango dira gaur, arratsaldeko 20:00etan, Iruñeko Gayarre antzokian. Oholtza gainean ikusi ahal izango diren artista horietako bat da Petti musikari beratarra.

Zer nolako omenaldia eskainiko duzue gaurko kontzertuan?

Printzipioz artista bakoitzak hiru lau kantu eskainiko ditugu. Orain arte egin ditugun kontzertuetan eskaini ditugunak izango dira.

Xabier Leteren abestiak edo abesti hauen bertsioak izango dira emango dituzuenak?

Leteren kantu eta poesiak dira agertuko direnak, artista desberdinen ahotik. Amets Arzallus bertsolariak, adibidez, Leteren bertso ba-tzuk abestuko ditu, berak egindako hiruzpalau bertso gehiagorekin.

Omenaldian parte hartzen duzuen artista bakoitzak bere ukitua, bere estiloa emango dio Leteren kantei?

Bai. Nire kasuan, aukeratu ditudan kantuei blues doinu pixkat eman diot, gitarra elektriko batzuk ere sartu dira... Normalean Letek akustikoak eskaintzen zituen eta guk, gure ukitu hori emateko, kantuak pixka bat indartu egin ditugu, gehienbat blues eta soul ukitu bat emanda.

Zein motatako publikoari zuzen-tzen zaio kontzertu omenaldi hau?

Printzipioz Lete maite duten guztiei zuzenduta dago baina, orokorrean, kontzertuetan 40 urtetatik gorakoak egoten dira publikoan... Bestalde, antolatzaileak, Joxe Angel Arbelaitzek, jende gazteari Leteren mundua irekitzeko intentzioa izan du, gu bezalako jendea sartzerakoan, Ken7-ko Eñaut Elorrieta, adibidez.

Nor izan da Xabier Lete zuretzat? Zure musika estiloan nolabaiteko eraginik izan al du?

Aspaldi, duela urte batzuk zuzeneko diskoa grabatu nuenean, bere kantu baten bertsio berexi bat sartu nuen. Xabier Lete, Mikel Laboarekin batera, Euskal Herriko handienetariko bat izan da, beste ba-tzuen artean. Baina bi horiek oso garrantzitsuak izan dira niretzat. Idazle eta kantu egile moduan, handienetarikoa izan da Lete.

Omenaldian parte hartzen duzuen artistek sentimendu horretan bat egingo duzuela pentsatzen dut...

Bai. Kontua da nik Lete ez nuela pertsonalki oso ongi ezagutzen. Behin edo behin topatu izan gara, baina ez nuen konfidantzarik berarekin. Antton Balberde eta Pier Paul Berzaitz bezalako artistak, ordea, bere lagun minak ziren, bizi osoa elkarrekin egon izan dira bai kantari bai lagun bezala. Beraien-tzat desberdina da. Nik artista bezala ezagutzen nuen soilik.

Zure kasuan, noiz ezagutu zenuen Xabier Lete, artista bezala?

Aspaldi, etxean beti izan ditugu kasetteak, gurasoak beti entzun izan dute. Hambost edo hamasei urterekin beste musika motak en-tzuten nituen eta ez nion garrantzi handiegirik ematen Leteren musikari. Baina orain dela hamar urtetik hona bere diskoak aditzen eta liburuak irakurtzen hasi nintzen, baita Laboarenak ere.

Nola bizi dituzu kontzertu hauek, musikari zaren aldetik?

Nire kasuan, sentsazioa ederra da. Kontzertuan eskaintzen ditudan kantuak Leteren politenak dira niretzat. Hori bai, kantuak zure ahotan jartzeak konplikazio puntu bat dauka, azken batean Lete, Lete zen, eta ez dakizu nola erreakzionatuko duen jendeak zuk bere kantuak kantatzerakoan. Preokupazio hori hor dago baina, bestetik, jendea gustura dagoela ikusten dut eta segurtasun gehiago daukat orain, gustura sentitzen naiz. Gure kantak kantatzen ditugunean beldurra badaukagu, pentsa besteenak kantatzerakoan zer sentitzen dugun...

Merezi du horrelako ekitaldietan parte hartzea, ezta?

Nire kasuan merezi du, alde batetik, ezagutzen ez nauen jendeak ezagutu dezadan, egoismo punttu horrekin. Beste alde batetik ere, jendeak Xabierrek kantuak beste modu batean entzutea gustuko du. Jendea gustora etortzen da, eta publiko artean negar tanta batzuk ere ikusi izan ditugu. Hori lortzea ez da batere txarra.

votos comentarios

(?)

Herramientas de Contenido

Publicidad

Publicidad

Publicidad

Más sobre Cultura

ir a Cultura »

Publicidad

Últimas Noticias Multimedia

Publicidad

Publicidad

  • Altzutzate 8, Polígono Industrial Areta, Huarte-Pamplona
  • Tel 948 33 25 33 Fax 948 33 25 18