Saltar al Contenido

Períodico de Diario de Noticias de Navarra Grupo Noticias

Herramientas de Contenido

el camaleón

Petti eta Barrence Whitfield Beratik Bostonera, Rock N'Rolla zubi

Diskoa Petti musikari beratarrak Barrence Whitfieldekin partekatu du bere azken lana, 'The Bloodyhotsak'

Ander Goyoaga - Viernes, 22 de Enero de 2010 - Actualizado a las 12:47h

votos comentarios

(?)

Juan Luis Perez Mitxelena 'Petti', Barrence Whitfielekin batera, Andoaingo Katarain estudioetan.

Juan Luis Perez Mitxelena 'Petti', Barrence Whitfielekin batera, Andoaingo Katarain estudioetan.

Vista:

Galería Noticia

Bera bezalako herri txikia eta milioi erdi biztanle baino gehiago dituen Boston. Milioi bat hiztun ere ez duen euskara eta munduan 500.000 milioi hiztun dituen ingelesa. Nabarmenak dira kontrasteak Pettiren azken abenturan, baina lotune nagusi bat ere badago: rock and rolla. Honen inguruan batu dira Juan Luis Perez Mitxelena Petti musikari euskalduna eta Barrence Whitfield amerikarra (The Savages) The Bloodyhotsak diskoan. Uztailean grabatu zuten Azkaraten eta urte berriarekin batera ikusi du argia. Led Zeppelinen Rock and roll kantaren tonua hots egin ostean, Beratik hartu digu telefonoa Pettik eta azken proiektu honen gorabeherak azaldu dizkigu.

Egitasmoaren sorrera

"Musikari bezala aspaldi ezagutu nuen Whitfield, Txitxarron kontzertuak egiten ziren garaian. Hala ere, orain dela zenbait urte Irungo jaietan Juancar Bloody Mary-k bera aurkeztu zidan eta, gerora, elkarrekin grabatzeko parada sortu zen. Juancarek esan zion berarekin grabatu nahi nuela, nire diskoak pasatu zizkion, gustatu zitzaizkion eta azkenean elkarrekin graba-tzeko aukera hori suertatu zen", azaltzen du.

Grabaketa

Proiektua atzetik datorren arren, behin martxan jarrita, ziztu bizian gauzatu zen. Taldea osatu, Andoaingo Katarain estudioetan sartu eta rock and rollak bere bidea egin zuen. "Arrapaladan egin genuen grabaketa, bost egunetan disko osoa, Azkaraten egin genuen. Nire ustez, laburregi geratu da, 10 kanta besterik ez daude, baina horrelakoa izan zen grabaketa", gehitzen du musikari beratarrak.

"Ezinbestekoa izan den musikaria –darrai Pettik– Joseba Irazoki izan da. Niretzat oso inportantea zen bere laguntza izatea. Gero Juancar Bloody Mary-k gainontzeko musikariekin batu gintuen. Donostiako Buenavistako mobidan dabilen Beñat Irureta bateriaz arduratu zen eta baxuan Iñaki Guantxe, Lobo Eléctrico-koa egon da. Oso ondo moldatu dira diskoaren estilora, taldelana egon da, bakoi-tzak bere ekarpenak egin ditu. Eta hori sumatu egiten da".

Errepertorioa

Erdi bana osatu zuten diskoaren errepertorioa. Pettik azken urteotan jokoz kanpo geratu zaizkion zenbait abesti aukeratu zituen. Whitfieldek, berriz, klasikoen bidetik jo zuen. "Neuk bost kanta aukeratu nituen eta berak gainontzeko bostak. Nire abesti gehienak aspaldikoak dira, estiloagatik nire aurreko diskoetan sartzen ez ziren kantak dira. Denetarik dago, rokanroleroak, surferoak edota countryak. Barrencek bost bertsio aukeratu ditu, rocka eta countryren artean kokatzen direnak".

Zuzenean, noiz?

Proiektua estudioko grabaketara egiteko jaio bazen ere, honen protagonistak zuzenean ikusteko aukera ere izanen da. Bizkaiko Foru Aldundiak antolatzen duen Jazz Blues Zirkuitoaren barruan izanen da lehen aukera (Basauri, Zornotza, Leioa eta Ermuan izanen dira). Horren ostean, Gipuzkoan joko dute, Arrasaten eta Donostian (otsailearen 26 eta 27an). Eta ekainetik aitzinera Estatu mailako birarekin hasiko dira, jo eta ke, Barrence eta Petti.

votos comentarios

(?)

Herramientas de Contenido

Publicidad

Cargando comentarios...

Gracias por su comentario

Publicidad

Publicidad

Más sobre El Camaleón

ir a El Camaleón »

Publicidad

Últimas Noticias Multimedia

Publicidad

Publicidad

  • Altzutzate 8, Polígono Industrial Areta, Huarte-Pamplona
  • Tel 948 33 25 33 Fax 948 33 25 18